محسين بومهدي يكتب: فين هما الموظفين والمواطنين اللي دافع عليهم البداوي؟كلشي ضرب طم…

من الحوايج لي تاتشجع على الفساد وتا تشجع الارث الثقافي الاناني والانتهازي عند المسؤولين. هو الشعب نفسه.

ملي تايدير المسؤول شي حاجة مزيانة تانقلبو على العيوب ديالها والا مادارش تانضربوها بسكتة ولا نبقاو نسبو ونعايرو. فاذا كان هو منتقد منتقد فاولى له ان يميل الى حيث نفعه المادي.

البداوي عبد الجليل رئيس مجلس اسفي. دار 2 اخطاء كيديروهم رؤساء المغرب كاملين

اولا : فلوس الوسخ عطاها لموظفين جماعيين.

لأنه بالمنطق موظف كيتخلص 3500 درهم ما قاداه لوالو. كيطمع في الرئيس انه يزيدو ديك 350 درهم. لأنه على الاقل تايكون كيعطي في وظيفته ولا حيدتيها ليه، فغادي يتمرض في الخدمة. ويقوليك ما كنعرفش. وبالتالي مصالح المواطنين اضيع….

(انا ما كنديرهاش لأنه المجلس الجهوي للحسابات سبق ودار لينا فيها انذار ةمع ذلك الموظفين شحال بكاو علي فيها. واتهموني بلي ما كنرحمش وكاين لي انتقم مني بطريقة او بأخرى)

الاولى محاسبة الداخلية كوزارة لي مغرقة الجماعات بموظفين اشباح.. وكاين لي ماتلقاش تا فين يجلس. دون فتح باب لتحفيز المجدين منهم. و دون اعطاء صلاحيات حقيقية للمدراء والرؤساء في تأهيل ادارة عمومية.

ثانيا : توقيعه على تجزئة برج الناظور، تجزئة لي مواطنين بالمئات واسر وعائلات بقات 7 سنين وهي مشتتة وتاتسنا في بقعة تبني عليها دويرة. ربما الرجل في لحظة ضعف وتحث ضغط الساكنة لي بقات فيه وقع التسليم. وكانت ان مشكل مئات العائلات تحل. ومشكل ديال رئيس تورط.

السؤال فين هما هاد الموظفين وفين هما هاد المواطنين؟؟ كلشي ضرب طم…

نتقبلها الا كان هاد السيد شد منكم مقابل كرشوة ااو او. انقولوا يعوم بحروا ولكن والحال اننا نعلم بذمة الرجل. وحتى انه لا يأمل من دنياه اكثر مما افناه.

ومثاله يشجع قولة رئيس جماعة أمي. كول وطحن، تبكي مو هو ما تبكي مي انا. وتهلا في الاعضاء ديالك والمواطن را واخا تشوي ليه صباعك لا عقل عليك.

نعم رفضتها وارفضها هذه المقولة لكن من غريب الصدف انه لا زال بيننا في الاجتماعات ويذكرني بها في كل مشكلة اتعرض لها. وهو لم يتم جره يب وما الى المحاكم. وغيره الكثير مما تسمن واغتنى ويفرش له السجاد ويضرب به المثل في الحنكة.

في النهاية التكييف في الاحالة كان ثقيلا رنانا. تزوير محرر رسمي وتبديد اموال عامة. مثله مثل مدير الوكالة الحضرية لكن شتان بين الاثنين الفعلين والجرمين .

الأستاذ محسين بومهدي

محام

رئيس جماعة أنكَا