التويزي: تعليق عضوية أبو الغالي عندو علاقة بشكايات ديال خيانة الأمانة والنصب والاحتيال

نفى أحمد التويزي، عضو المكتب السياسي لحزب الأصالة والمعاصرة، ورئيس فريق الحزب بمجلس النواب، أن يكون تعليق عضوية صلاح أبو الغالي، من عضوية القيادة الجماعية للحزب والمكتب السياسي “مجرد تصفيات حسابات”.

وقال التويزي، في ندوة صحافية عقدها حزي الأصالة والمعاصرة، اليوم الأربعاء (11 شتنبر)، “حنا كحزب بادرنا منذ البداية، وارتأينا وضع مدونة الأخلاق، وصادق عليها المجلس الوطني، وفي الاجتماع الأول للمكتب السياسي، خدات المنصوري الكلمة، وقالت باللي المدونة ماشي مجرد تصاور ولكن ستطبق على أرض الواقع كيفما كان العضو اللي غتطبق عليه من العضو العادي إلى الوزير”.

وأضاف عضو المكتب السياسي: “ملي كتجي شكايات ديال النصب والاحتيال، ما يمكنش للحزب يسمح بأن واحد فالقيادة ديالو يتابع بالنصب والاحتيال، حنا عملنا على أن هاد الشي ما يوصلش بداية للمكتب السياسي، ودرنا 4 اجتماعات مع أبو الغالي، وقلنا ليه راه عندك شكايات خيانة الأمانة والنصب والاحتيال”.

وشدد على أن “الأمر ماشي تجارة كيف كيقولو، ولكن الأمر عندو علاقة بالنصب والاحتيال، وما يمكنش نغطيو على هاد الشي، واتم اتخاذ القرار وتم احالته على لجنة الأخلاقيات”.

وأكد التويزي أن الأمر بعيد عن تصفيات الحسابات، متسائلا: “أشمن حسابات انصفيو مع أبو الغالي؟، المنصوري هي اللي اقترحتو هو وبنسعيد، وبغات يكونو معها فالقيادة، باش نشوفو شباب فالقيادة”.